KORONADAL CITY – Ginkumpirmar sang isa ka Pinoy biomedical scientist sa Switzerland nga pito ka Pinoy na ang nagpositibo sa COVID 19 didto.
Sa ekslusibo nga interbyu sang Bombo Radyo Koronadal kay Bombo International Correspondent Ryan Jose Ruiz III, tumandok sang Sta. Cruz, Koronadal City kag kasamtangan nga nagaobra bilang biomedical scientist sa WHO sa Geneva, Switzerland, ginpahayag sini nga apat sa pito nga nagpositibo ang nakarekober na samtang ang duha nga nabilin ang kinahanglan pa nga magpatigayon sang COVID testing.
Halos kadam-an sa mga nagpositibo sa mga COVID 19 sa nasambit nga pungsod ang yara sa 20 percent lamang ang naka-confine kag ang iban ang yara lamang sa puloy-an.
Dugang sini, nga isa ka Pinay ang napatay sa tion sang COVID pandemic apang negatibo naman ang resulta sini.
Ginpakigbahin man sini nga nagapadayon pa ang ila clinical trials sa mangin vaccine batok sa COVID 19.
Posible suno pa nga madugayan pa ini bangud madamo pa ini sang proseso nga pagaagihan agud masiguro ang kaluwasan kag pagka-epektibo sini.
Apang ginpasiguro sini nga posible nga mapaguwa na ang vaccine sa covid-19 sa madason nga tuig.
