KORONADAL CITY – Nagapatigayon na subong sang contact tracing ang Philippine National Police (PNP-12) makaligad makapagkit ang kapulisan sang isa ka person under investigation kag 46 nga under monitoring bangud sa gihapon sang pamahog sang coronavirus.
Ini ang ginpahayag ni PLt. Col. Lino Capellan, ang spokesperson sang PNP-12 sa interbyu sang Bombo Radyo Koronadal.
Ginpaathag naman sang opisyal nga ang pulis nga PUI ang nakabatyag lamang sang mild nga sintomas, kag 20 sa 46 nga PUMs ang natapos na ang ila 14-day quarantine samtang 26 ang nabilin nga nagapaidalom sini.
Dugang ni Capellan nga nakapagkit sila sang nasambit nga kaso makaligad natukiban nga may travel of history ang isa ka police personnel sa Metro Manila.
Sa subong hugot ang ila pagpakig-angot sa Department of Health pinaagi sa Regional Health Affairs agud malikawan nga malatnan sang balatian ang ila ground units.
Samtang yara sa 1,200 naman ang napagkit nga nagbayolar sa curfew sa bug-os nga rehiyon kalakip na diri ang indi pagtuman sa mga otoridad kag direct assault.
