Barangay Kagawad, pilason sa shooting incident sa Cotabato City

KORONADAL CITY – Pilason ang isa ka barangay kagawad makaligad luthangon sa Cotabato City.

Ginkilala ang biktima kay Khadaffy Macapendeg, 40 anyos kagawad sang barangay Rosary Heights 8 sa nasambit nga syudad.

Suno sa impormasyon, samtang pasulod sa barangay hall ang biktima sang hinali na lamang ini gintiro sang duha ka lalaki nga suno pa nagpakuno-kuno nga mag reklamo sa barangay.

Nakaangkon sang duha ka igo sang bala sa tiyan ang nasambit nga kagawad.

Nahibaluan man nga kalibre 9mm nga pistol ang gin usar sang mga suspek kag hinali na lamang nagpalagyo sakay ang motorsiklo.

Sa subong, padayon nga gapaayo ang biktima sa makaligad nga insidente.