KORONADAL CITY- Nagapabilin nga luwas subong ang mga Pilipino sa Israel sa pihak sang mga serye sang pag-atake sa nasambit nga pungsod makaligad mapatay sang Israeli Forces ang Islamic Jihad leader nga si Bahaa Abu al-Ata kalakip na ang asawa sini.
Suno kay Bombo international correspondent Elvie Selario Aviador, OFW sa Tel Aviv halin sa syudad sang Koronadal nga naglab-ot na sa 400 rocket attacks ang napagkit sang Israel Defense Forces kun sa diin pahayag ni Aviador nga nagapreparar suno pa ang kalalakihan halin sa Gaza ilabi na sa mga katapo sang Palestinian organisation nga Hamas nga ipatigayon ang panibag-o nga plano nga pag-atake sa Israel.
Nahibaluan nga humalin sang mapatay sa ginpatigayon ang surgical operation sang Israel ang terrorist leader nga si Abu al-Ata wala na nag-untat ang Hamas sa pagtarget sa Central Israel apang ginpasiguro sang IDF nga naintercept sang iron dome ang rockets nga ginapalupad.
Ang iron dome ang isa sa pinasahi nga defense system nga naka install sa palibot sang Israel nga naga-intercept sang mga ginapalupad nga rockets kag ginapasigabong sini sa kahawaan antes pa man maigo ang target.
Suno naman kay IDF Lt. Col Jonathan Cornicus nga well equipped ang ila pungsod kag nakahanda sa anuman nga pamahog sang gyera agud maprotehiran ang ila mga pumuluyo.Top
