KORONADAL CITY- Nakabulig sang dako sa mga pumuluyo sang banwa sang Tulunan, North Cotabato ang pagbisita sa ila ni Sen Bong Go, pila ka personalidad kag iban pa nga regional officials.
Sa interbyu sang Bombo Radyo Koronadal kay North Cotabato PDRRMO Officer Mercy Forunda, nakabuligsa mga residente ang pagbisita ni Sen Go kaupod si Philip Salvador kag iban pa nga regional officials sang nagkalain-lain nga ahensya sang gobyerno sa banwa sang Tulunan kun sa diin ginpahayag sini nga maka-angkon sang Emergency Housing Assistance Program (EHAP) nga nagabalor sang P30,000 para sa mga pamilya nga totally damaged ang puluy-an samtang P20,000 para sa mga partially damaged ang balay.
Nagpanagtag man ini sang food packs sa mga pumuluyo.
Bangud sini, nahagan-hagan man suno pa ang ila nga pagpanumdom kag kakulba sa mga mapagkit nga aftershocks kag nalipay sa pag-ulikid sang gobyerno.
Suno kay Forunda kasubong suno pa nga PSyco-social stress debriefing man ini sa mga residente.
Kadungan sang iya nga pagbisita, ginkondinar man ni Go ang mga nagapalapta sang sala nga impormasyon kag gin-awhag ang mga ini nga magbulig nalang.
