KORONADAL CITY- Ginakabalak-an sa gihapon sa karon sang pamilya Beti sa banwa sang Noralla, South Cotabato ang siwtasyon sang ila himata nga OFW sa Saudi Arabia nga may balatian nga meningitis makaligad nga wala pa ini makapauli sa Pilipinas.Sa interbyu sang Bombo Radyo Koronadal kay Gng Ivy Beti, asawa sang plumber nga OFW nga si Larry Beti, wala nadayon ang pagpauli sang iya nga bana makaligad nga ginbalagan ini sang airport sa Saudi.
Suno kay misis Betty, manugpuli na kuntani ang iya nga bana sang Byernes nga adlaw apang wala ini ginpasakay sa eroplano makaligad nga wala suno pa ginproseso sang Moda Company ang iya nga mga dokumento sa ospital kun sa diin ini gin-confined.
Bangud sini, nagakabalaka sila nga nabilin sa Pilipinas bangud sa kawadan sang aksyon sang kumbuyuhan nga gina-obrahan ni Larry.
Nahibaluan nga naglab-ot na sa halos P1 million ang bill sini sa balay bululngan sa Saudi makaligad magbalatian.
Sa karon, padayon man ang ila nga pagpakigangot sa OWWA kag mangin man kay Bombo International Correspondent Boyet Forro agud nga makauli na ini sang tigayon sa ila nga banwa.
