KORONADAL CITY – Arestado ang lider sang robbery gang kag 7 pa ka mga miyembro sini sa ginpatigayon nga drug buybust operation sang Koronadal City PNP sa Rizal Street, Purok Paraiso, Barangay Zone 4, sang syudad, banda alas-6:10 kaina sang aga.
Kalakip sa nadakpan ang lider sang grupo nga si James Bernie Estrella alyas “TSIKOY” 22-anyos nga residente sang Poblacion, Tupi, South Cotabato kaupod ang 7 ka mga menor de edad.
Nakuha sa posisyon sang mga suspek ang pila ka mga sachet nga may residue sang ginapatihan nga shabu, nga ginalakipan sang small pack kag isa ka medium pack sachet, P200 peso bill kag P100 nga marked money.
Sa nakuha nga impormasyon sang Bombo Radyo Koronadal, madugay na si TSIKOY nga ginareklamo sang mga pumuluyo sa nasambit nga barangay kag ginapatihan imbolbado sa pila ka mga pagpangransak kag kinawatay nga nagaluntad sa siyudad.
Nahibaluan nga si alyas TSIKOY ang madamu sang kaupod nga mga menor de edad nga kilala bilang mga “Batang Rizal” kag ginapatihan nga imbolbado sa iligal nga droga.
