KORONADAL CITY- Naglab-ot sa 88 ka high kag low powered firearms ang ginsungka sang mga residente sang 4 ka mga munisipalidad sa probinsya sang Maguindano sa militar.
Nahibaluan nga kadamuan sa mga armas ang gina-usar suno pa sa rido ukon clan war sang mga Iranun.
Ang 88 ka mga armas luthang ang naghalin sa mga banwa sang Buldon, Parang, Matanag kag Barira sa probinsya sang Maguindanao.
Ang nasambit nga pagturnover sang mga armas ang gintambungan ni PNP-Maguindanao Director PSSupt Agustin J. Tello, Major General Arnel Delavega, commander, Joint Task Force Central, by Lieutenant Colone Florencio Politud sang 37th Infantry Battalion kag iban pa nga mga opisyal sang Maguindanao.
Gindayaw naman sang militar ang boluntaryo nga pagsungka sang mga loose firearms agud nga matapna na ang pila ka dekada nga rido kag madis-armahan ang mga armado nga grupo kag matapna ang terorismo sa probinsya sang Maguindanao.
Ang mga nagsungka sang ila mga armas ang pagahatagan sang livelihood assistance sang gobyerno.
