KORONADAL CITY- Naga eksperyensya sa karun sang tuman nga trauma ang 7 anyos nga bata nga babaye nga biktima sang pagpanglugos kag hana nga pagpatay sa banwa sang Tboli, South Cotabato.
Sa ekslusibo nga interbyu sang Bombo Radyo Koronadal kay PCI Ramil Villagracia, hepe sang Tboli Municipal Police Station una nga ginreport nga nadula ang bata nga si alyas Niña takna alas 7 sang aga makaligad ini nga ginsugo nga magbakal sang toyo apang wala na nakabalik sa ila nga puluy-an.
Suno kay PCI Villagracia natukiban nga gindala suno pa sang suspek nga si Baldwin Balonto, 22 anyos ang bata sa iya nga boarding house sa Logan 1 Brgy. Poblacion, Tboli South Cotabato kag didto ginlugos kun sa diin ginkuga pa sini ang biktima agud patyon apang nagbato ang bata kag maswerte nga nakaluwas.
Gilayon naman nga nadakpan ang suspek kun sa diin ginpanginwala sini ang mga akusasyon sa iya apang mabaskog ang mga ebidensya batuk sa iya ilabi na kag may mga karos pa ang suspek samtang puno naman sang lagob ang nawong sang bata kag base sa medico-legal, ginlugos ang biktima.
Ginasiling man nga naga usar suno pa ini sang iligal nga droga ka sa karun yara na sa kustodiya sang Tboli PNP ang suspek samtang ginpaidalom naman sa psychological counseling ang biktima.
