KORONADAL CITY- Tigayon na nga ginbawian sang kabuhi ang isa ka 5-anyos nga bata samtang nagapabilin naman sa ICU ang amay kag utod sini makaligad nga gin-arado sang Elf truck ang ila nga ginasakyan nga tricycle sa siyudad sang Tacurong.
Naguwa sa imbestigasyon sang Tacurong PNP halos mga bata ang sakay sang tricycle nga ginbungguan sang nakasugata sini nga Elf truck nga ginamanego sang hubog nga driver nga ginkilala kay Rudy sa bahin sang Barangay Katungal, Tacurong City.
Nagdipensa naman si Rudy kag ginpahayag sa Bombo Radyo Koronadal nga indi siya hubog apisar nga nakainom ini.
Ginrason pa sini ang hinali nga pagsulpot sang tricyle rason nga nabungguan niya ini.
Sa subong, luwas na ang 2 pa ka pilason sa akisdente samtang yara naman sa kustodiya sang mga otoridad ang driver sang truck.
