Patay ang lima ka persona samtang naman ang pilason matapos ang asud-asod nga pasigabong sa sulod sang isa ka bodega sang pyrotechnics kag firecrackers sa Barangay Tetuan, Zamboanga City kagapon sang Sabado, Hulyo 29.
Suno sa Zamboanga City Police Office kag City Disaster Risk Reduction and Management Office, lima katawo kun diin isa sa ila ang menor-de-edad ang mga napatay sa insidente.
Gilayon naman ginpadangat sang mga emergency responders sa nagkalain-lain nga ospital ang 38 katawo nga nag-angkon sang mga pilas tuga sang mga pagsigabong, sa diin pila sa ila mga bata kag babaye.
Sa karon ginahibalo pa sang mga otoridad ang pagkakilan-an sang mga napatay, samtang padayon naman ang imbestigasyon sa nasambit nga insidente.
Nahibaluan nga naapektuhan man ang linya sang kuryente sa sa lugar nga nagpalala pa sang pagsigabong.
