Naglab-ot sa duha ka dalagko nga drug den sa banwa sang Datu Piang Maguindanao Del Sur ang ginsalakay sang Philippine Drug Enforcement Agency ukon PDEA BARMM kaupod ang NBI, PNP kag Militar sa ginpatigayon nga drug buybust operation sini nga adlaw sang Sabado, Agosto 17, 2024.
Ini ang ginkumpirma sang PDEA BARM kun diin sa Barangay Ambadao, Datu Piang, arestado ang apat ka high value targets, nabungkag pa sang mga otoridad ang isa ka drug den kag nakumpiska ang ₱516,800 nga kantidad sang illegal nga droga.
Ginkilala ang naaresto nga si Dido, drug den maintainer kaupod sanday alyas Jojo, alias Anton kag alias Jerry nga lunsay mga residente sang Barangay Ambadao, Datu Piang, Maguindanao del Sur.
Sa pihak sang operasyon, sa Barangay Montay Datu Piang, madinalag-on man nga naaresto ang suno pa MILF Platoon Commander nga ginkilala kay Dido Akmad Lampay kag nakumpiska sa posisyon sini sang ₱510,000 nga illegal drugs.
Samtang, magluwas sini nakuhaan man ang suspek sang mga high powered firearms kasubong sang M60 riffle, 1 BAR unit, mga magazine kag bala ang suspek.
Nakapalagyo naman ang kaupod ni Dido Lampay nga ginkilala kay alyas Markay nga sa karon ginapangita sang mga otoridad.
Natalana naman nga magapangatubang sang kaso nga paglapas sa R.A 9165 ukon Comprehensive Dangerous Drugs Act of 2002 ang mga naaresto nga suspek nga sa karon napreso na sa PDEA custodial facility.
