KORONADAL CITY – Tuman nga ginkalipay sang Philippine National Police kag Armed Forces of the Philippines ang padayon nga numero sang mga rebel kag communist groups nga nagasungka kag nagabalik sa sabak sang gobyerno labi na sa probinsya sang South Cotabato.
Ini makaligad nagdesisyon nga magpanaog kag magsungka ang apat ka miyembro sang New People’s Army sa mga kapulisan kag kasuldadohan kun sa diin kalakip na diri ang duha ka team leader sang Guerilla Front-MUSA, Far South Mindanao Region.
Personal nga ginsaksihan sang gintingob nga police, army kag local officials ang pagpresenta sang mga ini sang ila mga armas nga ginalakipan sang M-14 rifle, 9mm submachine gun, mga magazine kag mga bala.
Nahibaloan nga sa sulod lamang sang duha ka bulan, yara sa 46 nga terrorist kag communist members halin sa nasambit nga banwa ang boluntaryo nga nagsungka sa gobyerno.
