KORONADAL CITY – Boluntaryo nga nagsungka sa gobyerno ang apat ka miyembro sang local terrorist group sa Barangay Zone 4, Koronadal City, South Cotabato.
Ginkilala ni Police Lieutenant Colonel Hoover T Antonio, hepe sang Koronadal City Police Station, ang mga nagsungka nga sanday alyas “Mal”, 38 anyos, may asawa, mangunguma kag residente sang Brgy Kabasalan, Pikit, North Cotabato, alyas “Pogi”, 39 anyos , may asawa, mangunguma kag residente sang Barangay Kabasalan, Pikit, North Cotabato, alyas “Eps”, 34 anyos, may asawa, mangunguma kag residente sang Sitio Alintukan, Pikit, North Cotabato, alyas “Junrex”, 31 anyos, may asawa, mangunguma kag residente sang Barangay Kabasalan, Pikit, North Cotabato.
Suno kay PLTCOL Antonio, alas-5:00 sang hapon sang Hulyo 25,2024 sang nagpatigayon sang operasyon ang mga operatiba nagikan sa sa Counter Terrorism Division – Intelligence Group, RIU 12,RID 12,RSOG,SCPIU, 1st kag 2nd SCPMFC kag Koronadal City Police Station.
Ang nasambit nga operasyon ang nagresulta sa boluntaryo nga pagsungka sang nasambit nga mga myembro sang Bangsamoro Islamic Freedom Fighters (BIFF) Karialan Faction.
Sa subong yara na sa kustodiya sang kapulisan ang nagsungka nga mga BIFF members upod ang 4 ka armas kag bala.
Ang pagsungka sang nasambit nga mga katapu sag local terrorist group ang representasyon nga ang mga programa sang aton nga gobyerno agud nga tuldukan ang insurhensiya kag terorismo sa pungsod.
