KORONADAL CITY– Naglab-ot sa 4 ka mga barangay sa banwa sang Tampakan, South Cotabato ang nangin apektado sang mabaskog nga pagbubo sang ulan nga nagresulta sa landslide.
Sa eksklusibo nga interbyu sang Bombo Radyo Koronadal kay Stella Pascua, Liaison officer sang Tampakan Municipal Disaster Risk Reduction and Management Office, kalakip sa mga naka-eksperyensya sang landslide amuh ang mga barangay sang Palo, Pula Bato, Lambayong kag Danlag kun sa diin pila sa mga provincial roads ang nabalabagan sang mga nagtiphag nga mga duta.
Samtang sa pihak nga bahin, pilason naman ang isa ka Alfred Peralta na residente sang Brgy. Buto, Tampakan makaligad nga matumbahan sang puno sang mangga samtang nagapasilong sa isa ka canteen kag sa karun padayon pa nga nagapaayo.
Gilayon naman nga nagpatigayon sang clearing operations sa mga apektado nga mga barangay agud mangin passable sa liwat ang dalanon.
