KORONADAL CITY- Natalana nga pasakaan na sang kaso nga paglapas sa R A 9165 o Comprehensive Dangerous Drugs Act of 2002 ang 4 ka persona makaligad ginpatigayon sang Isulan PNP ang separar nga operasyon batuk sa iligal nga droga.
Sa impormasyon nga ginpalab-ot ni Bombo Correspondent Larry Geronio, una nga naarestar ang 3 ka mga kalalakihan nga naglikaw sa checkpoint kag ginlagas sang Isulan PNP kag nakuhaan sang mga iligal nga droga kag drug paraphernalia nga amuh sanday Muhammad Mamison 31 anyos may asawa, Norodin Magao 21 anyos may asawa kag isa ka Rolly Magon 42 anyos may asawa kag lunsay mga residente sang Brgy. Lagandang, Isulan Sultan Kudarat.
Nahibaluan nga narekober kay Mamison ang mga drug paraphernalia samtang kay Magao amuh ang isa ka dako nga pakete sang shabu kag kay Magon isa man sa gihapon ka dako nga pakete sang shabu.
Samtang sa pihak nga bahin, arestado man ang isa ka Joan Salailah Blis, 27 anyos driver kag residente sang Brgy. Kalawag 3 Isulan,Sultan Kudarat kun sa diin narekober sa posisyon sini ang 2 ka mga dalagkuan nga pakete sang shabu makaligad ang ginpatigayon nga drug buy-bust operation sang Isulan PNP.
