Naaresto sang mga otoridad ang isa ka lalaki nga ginakabig Street Level Individual sa ginpatigayon nga buy-bust operation sa Purok Bagong Lipunan, Brgy. Sagasa, Esperanza, Sultan Kudarat kaina sang kaagahon, Agosto 29, 2024.
Ginkilala ang nadakpan nga indibidwal nga si alyas “Janjan”, 33-anyos, soltero, nagatrabaho bilang Dep-ed ICT Programmer nga residente sang Purok Maligaya, Brgy. Busok, Bagumbayan, Sultan Kudarat.
Sandig sa report sang Esperanza MPS, madinalag-on nga naaresto ang suspek sang gintingob pwersa sang MDEU sang Esperanza MPS, 2nd SKPMFC, RSOG 12 kag PDEA.
Nakuha sa suspek ang kabug-usan nga 2 pakete sang ginapatihan nga shabu nga may kabug-aton nga 2.2 gramo nga nagakantidad sang Php 14, 960, isang Php500 bill bilang buy-bust money kag iban pa nga non-drug items.
Natalana naman nga magapangatubang sang kaso nga paglapas sa seksyon 5 kag 11, Art. II sang RA 9165 ukon Comprehensive Dangerous Drugs Act of 2002 ang suspek.
