Isa ka disgrasya ang nagluntad sa dalanon sang Purok 9A, Brgy Poblacion, Tupi, South Cotabato sang duwa ka motorsiklo pasado 8:27 sang gab i, Enero 17, 2025.
Ini ang ginkumpirmar ni Emil Sumagaysay, sa interview sang Bombo Radyo Koronadal.
Ginkilala ang sakay sang isa ka XRM 125 nga si Rea Del Mundo, 17 anyos, kag taga Prk 3, Brgy. Poblacion Tupi South Cotabato kag sa Raider 150 naman sanday Christian P. Javier, 20 anyos, residente sang Purok 2, Poblacion Tupi Sout Cotabato kag Mark Peter Esguera, 19 anyos, taga Purok 10 Brgy. Poblacion Tupi South Cotabato.
Suno kay Sumagaysay, madasig ang padalagan sang Raider 150 amo naulamid sini ang nagatabok nga XRM 150.
Naka agom ang mga biktima sang pipila ka mga pilas sa lawas ilabi na si Rea Del Mundo nga yara karon sa kasamtangan nga kritikal ang kondisyon bangod sa impact sang pag kabunggo.
Gindala madason sang Tupi MDRRMO ang mga nasambit nga biktima sa pinaka malapit nga mga balay bululngan para sa medical attention.
Nagpahandumdom man si Sumagaysay nga ila padayon nga ginapaalinton sa mga katawhan ang road safety awareness nga sundon ini pati man ang paghinay-hinay sa dalanon ilabi na sa mga intersection.
