KORONADAL CITY – Nagsaka na sa tatlo ang napagkit nga patay sa nagluntad nga massacre sa bahin sang Prk. Pag-asa, Brgy. Rizal sa banwa sang Banga, South Cotabato makaligad nga nagtaliwan na ang asawa sang massacre suspect.
Base sa impormasyon, ginbawian na sang kabuhi si Monlene Magno-Bautista bangud sa mga pilas nga naangkon sini sa iya ulo kag kamot sini nga daw mautod na.
Ini makaligad una nga napatay ang 11 anyos nga si alyas Monmon kag ugangan sini nga si Zeleny Magno sa nasambit nga insidente.
Gin-anunsyar ni Banga Mayor Albert Palencia nga nagtanyag ini sang P200,000 nga reward money para sa sin-oman nga makatudlo ukon makadakop sa suspek sang makangilidlis nga krimen nga si Paul Bautista.
Samtang ginpahugtan naman sang Banga PN ang seguridad sa Brgy. Rizal makaligad nagpaandam suno pa si Paul nga magabalik ini kag pagaubuson sila tanan kag pagakuhaon suno pa ang iya isa ka tuig nga bata.
