KORONADAL CITY- Ginalauman nga mangin punuanay ang venue kun sa diin makigkita si Pres. Rodrigo Duterte sa mga Overseas Filipino Worker’s sa Amman, Jordan alas 2 sang hapon sa Jordan samtang alas 7 naman ang oras karun dire sa Pilipinas.
Sa ekslusibo nga interbyu sang Bombo Radyo Koronadal kay International Correspondent Assuncion Bunag ang presidente sang New Better Place Independent Filipino Association kag 20 ka tuig na nga caregiver sa Amman, Jordan yara sa 2,000 ka mga OFWs ang makaangkon sang tion nga makigkita sa presidente sa Royal Cultural Palace kun sa diin apisar 1,620 lang ang seating capacity, pagatugutan sa gihapon nga makasulod ang yara sa 2,000 indibidwal samtang ang iban magatindog na lamang.
Kaangot sini, excited naman ang mga OFW’s nga magperform sang saot, ambahanon kag iban pa agud nga lingawon ang presidente kag ang pila ka cabinet members kun sa diin ang iban ang nagbyahe pa sa halin sa mga malagyo nga lugar Jordan kag ang iban ang nakig-istorya sa mga employers nga hatagan sila sang tion nga makita ang presidente.
Samtang wala naman sang problema sa seguridad nga ginapatuman sa pagbisita sang presidente bangud tight security blanket ang ginahatag para sa presidente kag sa delegasyon sini.
Ginalauman nga sa pagpakigkit sang presidente Filipino community, mapalab-ot nila ang ila mga concerns kag mapapag-on ang kasugtanan ilabi na sa paghatag sang proteksyon sa mga OFWs sa Jordan.
