Matuod-tuod kag indi kuntani election propaganda lang ang pag implementar sang Php20 nga kilo sang bugas sang subong nga administrasyon sang gobyerno.
Ini ang ginpahayag ni Leo Fuentes, Masipag Mindanao Coordinator, sa iya hati nga opinyon sa interview sang Bombo Radyo Koronadal.
Suno kay Fuentes, “1% nga kalipay, 99% nga kabalaka” ang iya nabatyagan sa nasambit nga balita.
Ginpanginwala niya nga indi siya nalipay, apang ginsaysay niya nga samtang positibo ang epekto sang posibilidad nga mabakal ang bugas sa mas barato nga presyo, may daku man siya nga kabalaka sa kung paano ini masustentar.
Suno sa iya nga gintuman suno pa ang promisa, apang kinahanglan naton nga paminsaron kon hasta san-o ini nga polisiya magapadayon.
Ginpunto man niya nga dapat ang mga polisiya sang gobyerno sustainable kag long-term, indi lang para sa bulig nga temporaryo ukon promotional nga hakbang nga posible may kaangtanan sa eleksyon.
Kabahin sang iya kabalaka amo ang posibilidad nga propaganda lang ini para sa eleksyon.
Dugang pa ni Fuentes, dapat pareho nga importante ang epekto sa mga mangunguma kag konsumidor, kag indi lang sa political image sang mga lider.
Bangud nagapabilin nga dako nga palamangkutanon kun asta san-o ini magapadayon.
Sa ulihi, nagpanawagan si Fuentes sa gobyerno nga himuon nga prayoridad ang paghatag sang matuod-tuod nga solusyon sa problema sang bugas — pinaagi sa suporta sa mga lokal nga mangunguma, pagpaayo sang irigasyon, kag pagtukod sang matibay nga sistema sa agrikultura.
