KORONADAL CITY– Duha ka panibag-o nga OFW’s gikan sa middle east ang luwas nga nakapauli sa pungsod matapos marescue gikan sa ila nga mga abusado nga employer.
Malipayon nga ginbalita ni Bombo Middle East Correspondent Boyet Forro ang tigayon na nga pagbalik sa pungsod nanday Ginang Alida Pederoso Canani at Noraisa P. Dulang nga lunsay Domestic helper kag mga residente sang South Cotabato.
Suno kayo, pareho nga yara sa Metro Manila na ang 2 OFWs kag kasamtangan nga ginahulat ang ticket para makapauli sa probinsya.
Kun madumduman, si Canani ang OFW sa Kuwait nga residente sang Brgy. Paraiso, Koronadal kun diin naghingyo sang bulig sa Bombo Radyo Koronadal sang bulan sang Pebrero matapos nga makaeksperiensiya sang pagpanakit sang amo.
Ini ang gilayon man nga ginhatagan aksyon ni Forro paagi sa pagpalab-ot sang reklamo sa POLO-OWWA Kuwait kag mismo nga recruitment agency ni Canani.
Makaligad ang isa ka semana nga paghulat ni Canani sa pagproseso sang mga dokumento sini, narescue ini sang iya nga mga employerkag ginturna-over sa POLO-OWWA sa Kuwait kag tigayon nga nakabalik sa pungsod.
Samtang, si Noraisa Dulang naman ang nahatagan sang bulig matapos nga ginasakit kag wala ginswelduhan.
Si Noraisa ang taga Brgy. Lambingi, Banga South Cotabato.
