Yara na sa kustodiya sang kapulisan ang duha ka mga myembro sang Moro Islamic Liberation Front ukon MILF matapos nga madakpan bangud sa pagbaligya sang illegal nga armas luthang.
Nadakpan ang mga ini sa isa ka checkpoint operation sa Barangay Sapakan, Rajah Buayan, Maguindanao del Sur pasado alas 5:00 ng hapon kahapon.
Ginkilala ni Police chief Capt. Joel Lebrilla, hepe sang Radjah Buayan PNP ang mga nadakpan nga sanday Samer Maomen kag Dennis Alon, lunsay yara sa legal nga edad kag pareho nga residente sang Barangay Kakal, Ampatuan, Maguindanao del Sur.
Suno kay Lebrilla nagapatigayon sila sang checkpoint kaupod ang militar sa lugar sang makabaton sang report angot sa mga magaagi nga suspek nga may bitbit nga mga illegal nga armas.
Nadakpan ang mga suspek nga sakay sang Skygo 125 padulong kuntani sa Barangay Pidsandawan apang napunggan ang mga ini sang militar sa checkpoint sang Brgy. Sapakan.
Narekober sa dalawa ang isa ka Norinco Caliber 45, 9mm pistol, mga magazines kag mga bala.
Ang duha nga naaresto ang mga gun for hire kag involbado man sa gun smuggling kag serye sang pinatyanay.
Nagpakilala pa ang mga ini nga mga katapu sang MILF 118th Base Command kun diin narekober man sang kapulisan ang MILF identification card sang mga ini.
Natalana naman nga magapangatubang sang nagakaigo nga kaso ang mga nadakpan.
