KORONADAL CITY – Ginpaidalom sa drug testing ang duha ka suspek nga nadakpan sa ginpatigayon nga drug buy-bust operation sa Purok Pagkakaisa, Barangay San Felipe, Tantangan, South Cotabato.
Ini ang ginkumpirmar ni PMaj. Romeo Albano, Jr., Chief of Police sang Tantangan Municipal Police Station, sa interview sang Bombo Radyo Koronadal.
Ginkilala ang mga suspek nga sanday Regie Somogod, 32-anyos, walang trabaho, residente sang Purok Riverside, Brgy. Sto. Niño; kag Paul Robert Bechayda, 42-anyos, construction worker, residente sang Purok Suscano, Brgy. Morales, Koronadal City.
Suno kay PMaj. Albano, ginahulat na lang ang resulta sang drug test sang duha ka suspek agud mahibaluan kun nagabaligya kag user ang mga ini sang iligal nga droga.
Sa karon, nagapangatubang ang mga suspek sa kaso nga paglapas sa Sec.5 kag Sec.11 sang Republic Act 9165 ukon Comprehensive Dangerous Drugs Acts of 2002.
