Naaresto sang mga otoridad ang duha ka myembro sang Barangay Peace Action Team (BPAT)sa ginpatigayon nga Intel Driven Operation bangud sa pagdala sang matag-as nga kalibre sang armas nga wala sang nagakaigo nga dokumento sa Barangay Magsaysay, Parang Maguindanao Del Norte.
Ginkilala ang mga naaresto nga sanday Bassir Paki Abdullah, 34 anyos kag si Ronnie Cedeño Aragassi, 38 anyos lunsay mga BPAT kag mga residente sang Barangay Magsaysay Parang Maguindanao del Norte
Nahibaluan nga sang madakpan sang kapulisan may ginabitbit nga matagas nga kalibre sang armas.
Kaangot sini, nakuha sa posisyon ni Bassir Paki ang (1) Armalite Riffle Remington 5.56 M16, isa ka magazine nga may kaupod nga (30) mga bala.
Samtang, nakuha naman Ronnie Cedeño ang (1) unit sang BCM Armalite Riffle 5.56 nga may kaupod nga isa ka magazine nga may unod nga(30) mga bala.
Ang duha ka suspek ang yara na sa kustodiya sang mga otoridad kag natalana nga pasakaan sang nagakaigo nga kaso.
