KORONADAL CITY- Nagapangatubang sang kaso nga Murder kag Rape ang 4 nga kalalakihan sa banwa sang Datu Odin Sinsuat sa probinsya sang Maguindanao.
Ini makaligad maaresta sang Maguindanao PNP makaligad himuon ang brutal nga krimen sang pagpanglugos kag pagpatay sa isa ka 18 anyos nga dalaga halin sa Brgy. Badak sa DOS Maguindanao.
Suno sa DOS PNP ang mga suspek ang na identify nga sanday Iskak Ismael 23 anyos, Cadil Guiamad 50 anyos, Toto Mangukan, 19 anyos, Madin Noting Mandal 19 anyos nga mga dayo lang sa nasambit nga lugar.
Nahibaluan nga gab-i sang magluntad ang krimen samtang nagapanglakaton ang biktima papuli na kun tani sa ila puluy-an sang gintripan ini sang 4 ka mga suspek kag gindala suno pa sa abandonado nga lugar kag didto na ini ginlugos kag brutal nga ginpatay kag ginhaboy nalang san kahilamunan.
Makaligad matukiban ang bangkay sang biktima, gilayon nga nagpatigayon sang Hot Pursuit Operation ang mga otoridad kag naarestar ang mga suspek sa Brgy. Dalican Maguindanao kun sa diin gin-ako sang mga ini ang krimen kag aminado nga nakausar sang iligal nga droga sang ginhimo ang pagpanglugos kag pagpatay sa biktima kun sa diin ginlampusan ang ulo sang biktima kag napatay.
Sa karun yara na sa kustodiya sang DOS municipal police station kag magapanabat sa nasambit na krimen.
