KORONADAL CITY – Kasubong nga ginhulogan sang langit kag duta ang pamilya sang isa ka sultero makaligad ini nga naghikog sa banwa sang Banga, South Cotabato.
Ginkilala ang nasambit nga biktima nga si alyas John, 16 anyos, kag residente sang Sitio Candhay, Bo. 6 sang nasambit nga banwa.
Emosyonal nga ginpakigbahin sa Bombo Radyo Koronadal ni Richard Tutor, ang amay ni John nga nasapwan na lamang nga wala sang kabuhi kag nakabitay ang ila bata sa banana roller sa basakan.
Ini makaligad ulihi niya ini nga nagahampang sa cellphone antes natulog makaligad nakainom-inom kag naglantaw sang telebisyon kagab-i.
Suno kay Tatay Richard, posible suno pa nga nagakabalaka si John matapos suno pa ini nga napabusong ang iya 15 anyos nga nobya.
Samtang nagatalangison nga ginpahayag sang iloy sang biktima nga si Ginang Gina nga isa ka responsable nga bata si John sa iya nga mag-ulutod labi pa nga ini na ang nagatig-ang kag nagapakaon sa ila.
Suno kay Gina, nga pagabatunon kag pagasuportahan naman nila ang anuman nga mangin desisyon sang iya bata makaligad suno pa sini nga mapabusong ang iya nobya.
Nahiobaloan nga isa ka estudyante sang Alternative Learning System (ALS) si alyas John.
Nabilin sang nasambit nga sultero ang iya lima nga lamharon nga mga kautoran kun sa diin subang siya diri.
