KORONADAL CITY – Patay ang isa ka 16-anyos nga dalagita matapos nga makigkita sa nobyo sini sa Garcica, Makilala, Cotabato.
Nahibaluan nga nagadugo ang pribado nga bahin sang lawas sang dalagita sang masapwan ini.
Ginapatihan nga may natabo sa dalagita sang nobyo sini sang magkitaay sila nga duha sa Purok Narra, Barangay Malasila partikular sa puluy-an sang abyan sang lalaki.
Gindapa pa ini sa pinakamalapit nga hospital apang gindeklarar nga dead on arrival.
Gilayon naman nga ginkustodiya sang kapulisan ang 18-anyos nga nobyo sini nga si alias Jun nga taga New Cebu, Makilala kag padayon nga ginaimbestigaran sa karon.t
Mismo nga si alias Jun ang nagdala sa hospital sa dalagita matapos makita nga nagadugo ini.
Suno sa kapulisan wala naman ini sangninjury sa guwa sang lawas apang sa iya pribado nga bahin sang lawas.
Naibaluan nga ginsugat ni alyas Jun ang nobya para makaupod sa pagtulog.
Nahibaluan nga duha ka bulan pa lamang ang mga ini nga magkarelasyon.
Sa karon, ginahulat na lamang ang resulta sang autopsy sa bangkay sang biktima.
Samtang, magapangatubang naman sang kaso nga pagpanglugos kag homicide ang nobye sini.
![](https://img.bomboradyo.com/koronadal/2024/07/nobyo.jpg)