Yara na sa kustodiya sang mga otoridad ang isa ka lalaki matapos nga gin-raid sang kapulisan ang puluy-an sini kag nakuhaan sang mga illegal nga armas kag driga sa Brgy. Poblacion, Tboli, South Cotabato nito lamang ika-15 ng Agosto 2024.
Suno kay PCol. Samuel Cadungon, provincial director sang South Cotabato, alas-6:35 kaian sang aga sang gin-raid sang CIDG 12 South Cotabato kag Tboli Municipal Police Station ang puluy-an sang suspek nga ginkilala kay alyas “Jojo”.
Bitbit sang operating team ang search warrant nga nagresulta sa pagkaaresto sa iya kun diin narekober man sa iya puluy-an ang isa ka unit sang Homemade pistol, 20 bala sang 20 gauge, apat ka bala sang Cal. 45, isa ka holster, kag isa ka unit sang Granada.
Magluwas sini, narekober man gikan sa suspek ang 16 ka bilog nga plastic sachet sang ginapatihan nga shabu kag iban pa nga drug paraphernalia.
Bangud sini, magapangatubang ang suspek sang kaso nga may kaangtanan sa illegal nga droga kag paglapas sa RA 10591 ukon ang Comprehensive Firearms and Ammunition Regulation Act.
oga.
