11-anyos sa siyudad sang Koronadal, nalukpan sang Boga sa mata

KORONADAL CITY – Maayo na ang kondisyon sang isa ka bata nga nabiktima sang Boga sa siyudad sang Koronadal.

Ini ang ginkumpirmar ni Dr. Vincent Ende , Koronadal City Health Officer sa interview sang bombo Radyo Koronadal. Suno kay Dr. Ende, ang nasambit nga 11-anyos nga bata nga lalaki ang taga-barangay Assumption ang naigo sa mata sang naglupok nga Boga.

Nahibaluan nga na-igo ang mata sang bata bangud ginlantaw sini ang boga sang wala ini naglupok, apang aksidente sini nga na click liwat ang trigger kag naigo gid ang iya nga nawong.

Sa karon, ginalauman nga madugangan pa ang numero sang mga biktima sang fire crackers halin sa mga barangay ng Koronadal.