KORONADAL CITY – Yara sa isa ka libo (1,000) nga mga manok ang dululongan nga ginsugba sa kalabaon sang Pine Avenue sa ginpatigayon nga Dapla Tampakan 2024 Longest Grilled chicken sa banwa sang Tampakan, South Cotabato.
Ini nga aktibidad ang ginpartisiparan sang 25 ka mga Local Chicken Producers kag local Farmers Association sa banwa kun sa diin naglab-ot sa 1,000 ka mga manok ang nasugba sa 180 ka metros nga sulugbahan.
Samtang gindagsa naman sang mga lokal nga turista kag nilibo ka mga Tampakeños ang pagkaon sang libre nga Dapla nga Tatak Tampakan.
photo (c) Stouries
Nangin dinapit man nga bisita sanday anay Senador Francis Kiko Pangilinan kag Department of Tourism Regional Director Nelia Arina bilang harado sa pagpili sang pinakamanamit nga dapla subong nga tuig.
Madamo naman ang nalingaw sa nasambit nga aktibidad kag nagalaum nga matigayon naman ini sa madason nga tuig.
