Nahilway na ang 10 sa 14 ka ginatawag nga “Maleta Boys” matapos sila nakapiyansa para sa ila kaso nga perjury sa Las Piñas Regional Trial Court.
Una sila gin-arestar sang Las Piñas City Police matapos wala sila nakapiyansa sa deadline nga ginhatag sang korte.
Tatlo sa ila ang gilayon nakagwa matapos makapiyansa, samtang ang isa yara sa probinsya.
Suno kay Atty. Levito Baligod, abogado sang grupo, nagumpisa ang ila kaso matapos nila ibuyagyag ang ginapatihan nga korapsiyon may kaangtanan sa flood control projects.
Samtang, apat ka miyembro sang 18 ka Maleta Boys ang una na nga nag-recant ukon nagbag-o sang ila mga pahayag nga nagulamid kay Pangulong Ferdinand Marcos Jr., anay House Speaker Martin Romualdez, kag iban pa nga opisyal sa ginapatihan nga kickback scheme.
Ginapahayag man ni Baligod nga may pagtinguha sang pagsuhol sa mga anay bodyguard nga nagbalik sang ila testimonya.
Ang 18 ka Maleta Boys amo ang anay mga bodyguard ni anay kongresista nga si Zaldy Co nga ginaalegar nagdala sang mga maleta nga may kwarta para sa mga opisyal.
Luwas sa kaso nga perjury, may ginapangatubang man ang grupo nga anum ka kaso sang cyber libel sa iban pa nga korte.
