Nagsurrender ang napulo (10 ) ka anay miyembro sang lokal nga terorista sa mga lokal nga opisyal sa Maguindanao del Sur, Kahapon nga adlaw sang Lunes, Nobyembre 17,2025.
Nagsungka sa 90th Infantry (Bigkis-Lahi) Battalion sa Brgy. Kabinge, Datu Saudi Ampatuan ang napulo ka terorista kung sa diin bilang pagpamatuod nga mas ginpili ang handum para sa isa ka hilway kag malinong nga kabuhi kaysa magpadayon sa armado nga pakigbato.
Lakip sa ila nga pagsurender ang pag-turn over sang 11 ka high-powered firearms, lakip ang isa ka Rocket-Propelled Grenade (RPG), isa ka 60mm mortar, kag siyam ka nagkalain-lain nga klase sang pusil. Upod sa aktibidad ang 65th Infantry Battalion, 6th CMO Battalion, PNP, kag ang mga lokal nga pamunuan sang Datu Abdullah Sangki, Datu Unsay, Datu Hoffer, Shariff Aguak, Datu Saudi Ampatuan kag Ampatuan.
Suno kay Lt. Col. Anacito C. Naz, Commanding Officer sang 92IB, natuman ang pagsurender paagi sa buligay sang mga stakeholders halin sa MILF-CCCH kag MILF-BIAF 105th Base Command.
