KORONADAL CITY – Ginatutukan sa subong sang kapulisan sa probinsiya sang Sultan Kudarat ang napulo ka mga barangay nga ginakabig yara sa areas of immediate concerns kadungan sang election period.
Suno kay Police Senior Supt. James Gulmatico, provincial director sang Sultan Kudarat, ang nasambit nga mga barangay ang ginamonitor na sang nagligad pa nga eleksiyon bangud sa presensiya sang mga armado nga grupo.
Apang suno kay Gulmatico, indi man gid makabig nga hotspot ukon mainit ang political rivalry sa nasambit nga mga barangay.
Samtang, kadungan sini, nagpanawagan man sa mga pumuluyo ang opisyal nga magkooperar kag magbulig sa kapulisan sa pagbantay sa palibot agud malikawan nga may magluntad pa nga mga kalakasan.
Ini bangud aminado si Gulmatico, nga dyutay lamang ang mga pulis kun ikumparar sa mga pumuluyo apang willing suno pa nga magduty sang lampas sa oras ang mga ini.
