KORONADAL CITY – Gindala na sa SPMC Hospital sa siyudad sang Davao ang isa ka tricycle driver nga napilasan sa pagsigabong sang IED sa back seat sang isa ka unit sang YBL alas-12:30 kahapon sang Udto.
Ini ang ginpahayag ni Mayor Eliordo Ogena sa eksklusibo nga interview sang Bombo Radyo Koronadal.
Ang nasambit nga biktima ang ginkilala kay Wilfredo Peno, tricycle driver nga residente sang Barangay Magsaysay, Koronadal City.
Si Peno, ang isa sa tatlo ka mga napilasan sa pagpamomba matapos nga nagasunod ini sa bus sang nagsigabong..// Una nga gindala si Peno sa South Cotabato Provincial Hospital apang ginsaylo sa is aka pribado nga hospital matapos nga ginpaidalom sa operasyon bangud sa nagsulod nga bolt sa panga sini.
Kaangot sini, nagpromisa man ang alkalde nga pagabuligan sang City LGU ang biktima .
Sa pagkamatuod ang CSWDO ang nagproseso sa pagsaylo sini gikan sa isa ka pribado nga hospital diri sa siyudad padulong sa siyudad sang Davao.
