KORONADAL CITY – Nagapadayon ang damage assessment sang Banga LGU sa duha ka barangay nga gindalasa sang buhawi.
Suno kay Banga Mayor Albert Palencia sa interbyu sang Bombo Radyo Koronadal, base sa damage report sang Municipal Disaster Risk Reduction and Management Office (MDRRMO), duha ka balay ang napagkit nga partially damaged sa bahin sang Bo. 6, samtang totally damaged naman ang isa pa ka panimalay sa Brgy. Cabudian.
Sa subong ginpasiguro sang iya administrasyon ang bulig sa mga apektado nga pamilya nga ginhalitan sang kalamidad.
Samtang wala na naglab-ot nga buhi sa ospital ang biktima nga si Jerson Casumpang, 36 anyos kag residente ng Sitio Paraiso, Bo. 5 makaligad maigo sang kilat.
Ginpahayag sang alkalde nga makaligad magbakal sang bugas kag nagbalik sa bunkhouse, nasambid ini sa kable sang kuryente kag naigo sang kilat.
Gindangat pa ini sa balay bulolngan apang gindeklarar nga dead on arrival.
