KORONADAL CITY– Nagapangatubang sa kaso nga pagbayular sa RA 9165 okun Comprehensive Dangerous Drugs Act of 2002 ang isa ka drug suspect nga ginkilala kay Sheryl Espartero Nacional, 28 anyos nga residente sang Prk. Tagumpay, Brgy. Zone 2, syudad sang Koronadal.
Ang nasambit nga operasyon ang ginpa tigayon sang Koronadal City PNP kag Koronadal City Anti-Drug Abuse Council sa pagpanguna ni Dr. Glorio Sandig.
Sa interbyu sang Bombo Radyo Koronadal kay Dr. Sandig ginpahayaga sini nga narekober sa posisyon sang suspek ang 1 ka dako nga pakete kag 2 ka galagmay nga pakete sang suspected shabu, mga drug paraphernalia kag P1,000 nga marked money.
Ginpanginwala naman sang suspek nga may kaangtanan ini sa iligal nga droga apang madugay na suno pa ini nga ginamanmanan sang mga otoridad.
