₱7.2 trillion nga 2027 national budget gina-propose sang Department of Budget and Management

Gina-propose sang Department of Budget and Management (DBM) ang P7.2 trillion nga national budget para sa 2027.

Sa National Budget Memorandum No. 158 nga gin-publish kahapon, ang proposed budget ang equivalent sang 21.7% sang gross domestic product (GDP) sang pungsod.

Mataas ini sang six percent ukon P407 billion pesos sang sa P6.793 trillion nga national budget sa subong nga tuig.

Suno sa memorandum, ang proposed budget para sa masunod nga tuig magatutok sa mga programa, aktibidad, kag proyekto nga nagatuyo maghimo sang mas maayo nga oportunidad kag ma-address ang kinahanglanon sang mga Filipino.