Ginbasura sang Israel ang ang warning sang isa ka grupo sang global food security experts natuhoy sa tiggulutom sa pila ka parte sa northern Gaza kon sa diin nagapakig-away ini batok sa Palestinian militant group nga Hamas.
Suno sa independent Famine Review Committee (FRC) nga may daku nga posibilidad sang nagahilapit nga tiggulutom sa pila ka bahin sang northern Gaza gani kinahanglan ang gilayon nga solusyon gikan sa mga nagainaway nga mga partido agud mapahagan-hagan ang sitwasyon.
Kasunod sini, gintumod sang US State Department spokesperson ang kinahanglanon sa mas masangkad nga operasyon sang Israel sa pagdul-ong kag paghatag sang bulig sa Gaza.
Dugang pa niya nga nagapakig-angot na ang US sa Israel, sa United Nations, kag iban pa nga partners agud mas mapadasig pagid ang aid operations.
Pahayag naman ang Israel nga mas ginpasangkad nila ang ila aid efforts lakip na ang pagbukas sang dugang nga crossing.
