Malampuson nga nakumpiskar sang mga kapulisan ang mga smuggled cigarettes nga may balor nga lapit ₱97.5 milyon sa Parang, Maguindanao del Norte sang tinalikdan nga adlaw.
Sandig sa imbestigasyon sang mga otoridad, isa ka bodega sa lugar ang ginagamit para sa pag-tambak kag distribusyon sang smuggled cigarettes.
Ang operasyon ginpatigayon mga alas 6:00 sang aga sang Enero 6, 2026, sa Barangay Gumagadong-Calawag, paagi sa joint elements sang Regional Intelligence Division (RID), Regional Drug Enforcement Unit–Special Operations Group (RDEU-SOG), RMFB 14-A, CIDG BAR, kag Parang Municipal Police Station, kaupod man ang BOC–Davao District.
Sa subong, ang mga nadiskubre nga kontrabando ang yara na sa Bureau of Customs para sa husto kag nagakaangay nga disposisyon.
Padayon naman ang imbestigasyon sang mga otoridad may responsable sa mga iligal nga sigarilyo.
