Sunod-sunod nga operasyon ang ginkasa sang Philippine National Police (PNP) batok sa pugante nga si Charlie ‘Atong’ Ang nga ginapahayag utok sa pagpatay sa nadula nga nga bulangero.
Suno sa PNP, indi maglapaw sa 20 ka mga lugar nga ginasuspetsahan nga ginapanaguan ni Ang ang ginsulod sang pulis sa diin pila sa mga ini ang duha tubtob tatlo ka beses nga ginbalikan apang wala gihapon makita didto ang pugante.
Maid-id nga ginaimbestigaran karon sang PNP ang mga abyan kag malapit nga personnel ni Ang nga posible nagabulig sa pagpanago sini.
Samtang, wala naman ginadula sang PNP ang posibilidad nga nakagwa na sa pungsod si Ang kag nagausar sang iban nga ngalan.
Bangud sini, hugot ang koordinasyon sang PNP sa ila international partners para masiguro nga maaresto gilayon ang pugante pananglitan nga makita sia sa iban nga pungsod.
May patong nga ₱20 million sa ulo ni Ang nga magahalin sa confidential funds sang Department of Interior and Local Government (DILG) kag sang PNP.
