Nagaplano ang pungsod Zimbabwe nga mag-ihaw sang 200 ka mga elepante agud nga mapakaon ang mga tawo nga apektado sang kagutom bangud sang El Niño, suno sa Zimbabwe wildlife authorities.
Bangud man sa El Nino, wala man mapuslan ang mga pananom sa southern Africa nga naka-apekto sa 68 milyon ka mga tawo nga nagtuga sang kakulang sang pagkaon sa bug-os nga rehiyon.
Dugang pa ni Farawo, ang karne sang elepante ang ipanagtag sa mga kumunidad nga apektado sang drought.
Ihawon ang mga elepante sa Hwange, Mbire, Tsholotsho kag Chiredzi districts.ini ang kasunod sang desisyon sang pungsod Namibia sang nagligad nga bulan nga mag-ihaw sang 83 ka elepante kag ipanagtag ang karne sa mga tawo nga apektado sang drought.
Base sa data, masobra 200,000 nga mga elepante ang nagapangabuhi sa conservation area nga nagalapta sa lima ka southern African countries nga Zimbabwe, Zambia, Botswana, Angola kag Namibia rason nga ang rehiyon ang pinakadaku nga elephant populations sa bilog nga kalibutan
