Igapatuman sang Department of Health (DOH) ang zero balance billing policy sa pila ka napilian nga LGU hospitals matapos maghatag si President Ferdinand Marcos Jr. sang P1 bilyon nga pondo para sa programa.
Ini nagakahulugan nga wala na sing bayranan ang mga pasyente sa basic ukon ward accommodation sang mga napilian nga ospital.
Suno kay Health Secretary Teodoro Herbosa, indi pa igo ang pondo para masakupan ang tanan nga LGU hospitals gani unahon anay ang mga Level 2 kag Level 3 hospitals, labi na sa mga lugar nga malayo sa DOH hospitals.
May ara karon sang 17 ka Level 3 LGU hospitals sa pungsod.
Direkta nga ihatag ang pondo sa mga ospital kag indi na kinahanglan sang guarantee letter halin sa mga politiko.
Mahimo man gamiton bilang dugang nga pondo ang MAIFIP program nga indi mahimo panghilabutan sang mga halal nga opisyal.
