Ginhilway na subong Biyernes, Marso 7, ang na-impeach nga Presidente sang South Korea nga si Yoon Suk-yeol matapos ang ruling sang korte nga nagtugot sa iya nga maggwa.
Una na nga ginrequest sang mga abogado ni Yoon sa korte nga kanselahon ang pag-aresto sa iya sang nagligad nga bulan, kun sa diin ginpanindugan sang iya kampo nga iligal ang pagkulong sa iya tungod sang kalawig nga tion nga ginpaabot sang prosecution antes siya i-indict.
Sa kahilwayan sini, base sa dokumento nga nagikan sa Seoul Central District Court, ginhatagan sang korte sang pag-angkon ang request ni Yoon nga mapalaya siya gikan sa prisohan tungod kay tapos na ang detention period antes pa man siya i-indict sang prosekusyon sang Enero 2025.
Gani, para masiguro nga klaro ang proseso kag matanggal ang bisan ano nga duda parte sa legalidad sang proseso sang imbestigasyon.
Sa desisyon man sang korte, tugutan si Yoon nga atubangon ang iya criminal trial bisan pa wala siya sa prisohan.
Ginaexpectar man nga magapagwas na sang desisyon ang korte sa mas madali nga panahon kung pagtib-ongon sini ang impeachment ni Yoon ukon kung sisibakon siya sa iya pwesto.
Madumduman nga natapos na ang mga hearing sa impeachment trial ni Yoon sang katapusan sang Pebrero sang sini nga tuig.
Masobra isa ka bulan man nga napreso si Yoon matapos siya arestohon kag i-indict kaupod sang iya nga nabigo kag panandaliang deklarasyon sang martial law sang Disyembre 2024.
