KORONADAL CITY– Nagapadayon ang imbestigasyon sang mga otoridad sa pagpangluthang sa isa ka empleyado sang Yello Bus Line Inc (YBL) sa National highway, Prk.Aurora, Poblacion Tantangan South Cotabato.
Ginkilala ang biktima nga si Erwin Layson, may asawa Yellow bus Inspector kag residente sang Prk. Masagana, Poblacion Tantangan South Cotabato.
Sa inisyal nga imbestigasyon sang mga otoridad, nagapungko sa isa ka shade ang biktima sa higad sang highway samtang nagahulat sang bus, sang hinali lamang ginpalapitan sang duha ka unidentified suspects nga nakasakay sa Kawasaki Bajaj nga nagaduag sang itom, wala plate number kag hinali ginpusil ang biktima sang tatlo ka beses.
Matapos ang krimen nag palagyo ang mga suspek sa wala mahibaluan nga direksyon. Samtang ang biktima naman ang gindala sa malapit na hospital sa syudad sang Koronadal.
Indi pa matumod sang kapulisan kun ano ang motibo sa pagpangluthang sa biktima. Gilayon nga nagpatigayon sang hot pursuit operation ang mga otoridad agud madakpan ang responsable sa krimen.
