KORONADAL CITY – Nagdesisyon ang talatapan sang Yellow Bus Line Inc. nga indi anay sila magbiyahe, apesar yara na sa general community quarantine ang probinsya sang South COtabato.
Kaangot sini, nagpaathag sa BOmbo Radyo Koronadal ang operations manager nga si Boy Par nga indi siya makabyahe kun diri lamang sa probinsya ang ila destinasyon bangud indi sila makabiyahe sa iban nila nga mga destinasyon magluwas lamang sa banwa sang Polomolok, Sto. Nino kag Surallah.
Magluwas sini, ginapatuman man ang clustering kag ang pagkuha lamang sang 25 ka pasahero kalakip ang driver kag ang konduktor, gani para sa ila dako ang disadvantage labi na kun iban pa nila nga mga empleyado ang malamita sa nasambit nga operasyon.
Gin-ako man sini nga dako ang epekto sini sa ila operasyon humalin sang eksklusibo lamang sa probinsya ang ruta nga mahimo nila agyan.
Sa subong magahulat anay sila sa dugang nga mga abiso tubtob magaabri na ang boundary.
