KORONADAL CITY – Dako ang pagkadismaya bangud kulukasubong nga ura-urada ang ginhimo sang LGU Koronadal nga pagpa untat sang operasyon sa Yello Bus Line Terminal sa Koronadal City.
Sa interbyu sang Bombo Radyo Koronadal kay Mr. Bernard Bolanio, Operations Manager sang Yello Bus Line, Inc., ginphayag sini nga tuman ang ila nga kasubo bangud natabuan pa gid nga holiday season kag nagadagsa ang mga pasahero.
Ginpaklaro niya nga sila ang nakabaton sang kamanduan kahapon nga adlaw sa LGU Koronadal nga pauntaton ang ila nga operasyon.
Gindugang pa sini nga ini nga panghilitabo ang lain sa kaso nga ila ginpangatubang sang naglabay bangud ang sa karon nga Writ Execution ang lain naman nga problema sang ila nga kompanya.
Nagpanindugan man si Bolanio nga isa ka sahi sang harasshment ang ginhimo sang City government.
Sa karon nagapanawagan na lamang ini sa mga pasahero nga intindihon anay ang sitwasyon bamgud sila ang pagahimuon man nila ang ila ikasarang para sa pagpanerbisyo sa mga pasahero.
