KORONADAL CITY – Nagapadayon ang imbestigasyon sang mga otoridad sa identity sang isa ka ginang nga suno pa nagbilin sang iya lapsag sa sulod sang sako sa bahin sang Laforteza Cemetery, Barangay Katico, Pres. Quirino, Sultan Kudarat.
Suno kay Police Chief Insp. Joan Resurreccion, hepe sang Pres. Quirino Municipal Police Station, isa ka residente ang nakakita sa sako nga nakasab-it sa puno sang kahoy nga ginbutangan sang lapsag kun diin nagabaho na ini.
Sa pagchekyar sang mga otoridad nakita ang ginabulubanta yara sa 6 ka bulan nga fetus nga yara na sa state of decomposition.
Ginabulubanta nga yara na sa 2 ka adlaw ang lapsag nga ginbilin sang iresponsable nga iloy antes ini nga nasapwan.
Nagapanawagan namn ang kapulisan sa posible nga mga himata sang lapsag agud nga mapalubong ini sang maayo.
