KORONADAL CITY – Persons of interest gina-imbestigahan na sakaron sang kapulisan sa pagpatay sa Isa ka anay Kapitan kag Vice Mayoralty Candidate sa sulod sang iya puluy-an sa bahin sang Brgy. Bukay Pait sa banwa sang Tantangan, South Cotabato Nobyembre 17, 2024.
Ginkilala ang biktima nga si Jose “Bobot” Osario, 58 anyos, kasado, anay Punong Barangay kag residente sang Purok Maligaya Brgy.Bukay Pait kag nagadalagan bilang Bise Mayor sa banwa sang Tantangan para sa 2025 National kag Local Elections.
Yara sang duha ka anggulo ang ginalantaw sang kapulisan kag ini angot sa giyapon sa land conflict ini ang nagin pahayag ni PCol. Samuel Cadungon, Provincial Director ng South Cotabato sa interview sang bombo radyo koronadal.
Suno kay Cadungon may gindemploy naman ang kapulisan agud bantayan ang panimalay ni Osorio kung sa diin nakahaya ini sa karon para sa seguridad kag pagmonitor sa palibot.
Sa karon nakig-angot na ang kapulisan sa municipal mayor sang tantangan kag mga barangay captains agud maresolba ang mga away sa lupa sa banwa sang tantangan
