KORONADAL CITY – Nagapaayo na subong sa balay-bulolngan ang driver kag pahinante makaligad magbaliskad ang ila ginsakyan nga wingvan sa siyudad sang Koronadal.
Nagluntad ang nasambit nga aksidente pasado alas 8 kaina sang aga samtang ginaasoy nila ang kalabaon sang Gensan Drive sa atubangan sang Koronadal City Hall.
Sa interbyu sang Bombo Radyo Koronadal sa pahinante nga si Charles Espartero, halin sila sa General Santos kag ginlikawan sang iya driver nga si Alex Masalde ang isa ka motorsiklo sang nadulaan sila sang preno rason nga nagbaliskad ini kag na-ula ang karga nila nga mga paint thinners.
Madumdoman nga duha ka tawo man ang napatay sang damlag lang makaligad nahulog sa pil-as sa Brgy. Saravia sini nga siyudad ang fishcar sa tion sang mabaskog nga pagbubo sang ulan.
